احنا شعب و انتوا شعب

استعرض الموضوع السابق استعرض الموضوع التالي اذهب الى الأسفل

احنا شعب و انتوا شعب

مُساهمة  عاشقة الدار في الخميس مايو 09, 2013 1:46 am

[ندعوك للتسجيل في المنتدى أو التعريف بنفسك لمعاينة هذه الصورة]


إحنا شعب وإنتو شعب ... مدحت العدل

إحنا شعب وإنتو شعب
واللى هز القلب منا
عمره ماهزلكو قلب
رغم إن الرب واحد..
لينا رب... وليكو رب
......................
وردة برية وبراءة..
إحنا بنشوف الطفولة
وإنتو شايفينها سبايا
تثبتوا بيها الفحولة
إحنا يسعدنا خيالها..
لما ترسم ف الكتاب
وإنتو لو عدى خيالها
يطلعلكوا فى ثانية ناب
إنتو بتحبوا الجهامة
وإحنا بنحب ابتسامة
إحنا حرية وكرامة
وإنتو سجن وشرع غاب
إحنا شعب وإنتو شعب
........................
مصر بالنسبه لنا ثومة
والا ناصر.. أو حليم
مصر بالنسبه لكو خيمة
أو إمارة أو حريم
إحنا نفديها بحياتنا
ونحبها ونرضى بقليلها
وإنتو عايزين تنهبوها
وتسرقوا خيرها ونيلها
إحنا يسقط منا شهدا
زينة الدنيا وشبابها
وإنتوا قلتوا كنتوا سعدا
لما داسوا فوق ترابها
إحنا أقرب وإنتوا بعدا
إحنا ثورة وإنتو ردة
ياطابور خامس وقاعدة
للعدو الواقف ببابها
إحنا شعب وإنتو شعب
.............................
إحنا بنشوف ربنا
رحمة للعبد اللى تاه
عفو عن مخطئ مسىء
توبة أو طوق للنجاة
وإنتو تِعبان القبور
والمقارع للحريم
سد باب الرحمة غية
واللى يغلط ف الجحيم
واللى يضحك يبقى كافر
والعبوس آخره النعيم
إحنا بنحب الحياة
وإنتو أعداء الحياة
إحنا شعب وإنتو شعب
............................
إحنا بنشوف الحقيقة
والعقيدة ف أى دين
كنت قبطى أو يهودى
والا ضمن المسلمين
رب واحد... معنى واحد
الرسالة يا مؤمنين
ماتكدبوش ماتغيروش
ف النوايا والوشوش
حب جارك زى أهلك
احفظه ولا تخونوش
وإنتو تيجو تخونوه
يختلف ف الرأى عنكو
تحلوا دمه وتقتلوه
وتقولوا ديننا قالنا
أى دين يا أدعيا
والا نبى م الأنبيا
يأمر بكافر تصلبوه
والا بوذى تبهدلوه
والا شيعى تكفروه
واللى بيفكر دا ضال
وتحرموا حتى الحلال
وتحللوا فكر الضلال
وتحكمونا يا أغبيا
إحنا شعب وإنتو شعب
...........................
إحنا شايفين الرسول
رحمة مهداة للبشر
سعى من أجل الوصول
للكمال المنتظر
إحنا شايفين إن ديننا
دعوة للنور والحضارة
وإنتوا حاصرينه ف حكاية
توب قصير أو ستارة
إحنا شايفين ابن سينا
وابن رشد والحسين
وإنتوا شايفين ابن لادن
والكهوف المظلمين
إحنا عشاق الإرادة
والحقيقة واليقين
وإنتو تجار المنابر
والبخور والمجذوبين
الخادعين للخاضعين
والآكلين الشاربين
النازلين الصاعدين
للمصالح والمناصب
وأما أمريكا بتأمر
تصرخوا بقولة آمين
إحنا شعب وإنتو شعب
.............................
إحنا مصرى بسيط وراضى
عسكرى جاى م النجوع
يسمع الراديو الصغير
الأدان يملاه خشوع
يدعى ف الليل للى خلقه
يحمى عيلته يزيد ف رزقه
ف الدعا تنزل دموع
عند رب العالمين
صادقة من غير فلسفة
لا صوت جهورى ف ميكروفون
يصرخ يهدد بالوعيد
وكأنه واخد م السما
توكيل يكفر بعضنا
يهدينا نرجع مسلمين
يا عم مااحنا مسلمين
ومؤمنين وموحدين
من قبل حتى ما تتولد
وإحنا اللى وحدنا الإله
قبل الديانة ما تتوجد
ولإن مصر المؤمنة
قبل التاريخ فى دمنا
عمرنا ما حنبقى زيك
ولا أنت حتكون زينا
لِمّ غنمك أو جمالك
أو مباخرك أو عيالك
والمشانق من حبالك
والعشيرة والخيام
خد زعيقك خد صريخك
خد فتاويك واللجام
خد حرام حرام حرام
حلال عليك يا مسيلمة
اللى سرقته مننا
وإبعد بعيد عن أرضنا
لأنكوا... ولإننا
إحنا شعب......وإنتو شعب

___________________________________________________________________________
______________________________________________
[ندعوك للتسجيل في المنتدى أو التعريف بنفسك لمعاينة هذه الصورة]
avatar
عاشقة الدار
مديرة المنتدي
مديرة المنتدي

رقم العضوية : 1

عدد المساهمات : 2890

نقاط : 4629

تاريخ التسجيل : 06/03/2011

الموقع الموقع : مصر أم الدنيا


http://ashbiba.actieforum.com

الرجوع الى أعلى الصفحة اذهب الى الأسفل

رد: احنا شعب و انتوا شعب

مُساهمة  ريحانة الدار في السبت مايو 11, 2013 7:49 pm



فعلا احنا شعب وانتوا شعب

لخصت الواقع المر

هم ليس من شعبنا


___________________________________________________________________________





[ندعوك للتسجيل في المنتدى أو التعريف بنفسك لمعاينة هذه الصورة]
ريحانة الدار




avatar
ريحانة الدار
مديرة المنتدي
مديرة المنتدي

رقم العضوية : 1

عدد المساهمات : 1622

نقاط : 2873

تاريخ التسجيل : 06/03/2011


الرجوع الى أعلى الصفحة اذهب الى الأسفل

رد: احنا شعب و انتوا شعب

مُساهمة  عاشقة الدار في الثلاثاء مايو 14, 2013 8:06 pm


لـنـا رب و لـهـم رب


اسعدني تفاعلك ريحانة الدار

___________________________________________________________________________
______________________________________________
[ندعوك للتسجيل في المنتدى أو التعريف بنفسك لمعاينة هذه الصورة]
avatar
عاشقة الدار
مديرة المنتدي
مديرة المنتدي

رقم العضوية : 1

عدد المساهمات : 2890

نقاط : 4629

تاريخ التسجيل : 06/03/2011

الموقع الموقع : مصر أم الدنيا


http://ashbiba.actieforum.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى