آش نكول أصاحبي ؟

nadia70 الخميس نوفمبر 05, 2015 10:54 pm

قصيدة زجلية باللغة الدارجة المغربية
______________

ضاقت نفسي ومشيت البحــــر
لحت السنارة ، نسيت الكــــدر
عيني تبعات الخيط ، وقلبي يهدر

تايكول كلام، غير مفهـــــــــــوم
اسولني صاحبي ، مالك مهموم؟

آش نكول ليك أصاحبي آش نكول؟
جيت البحر ناوي الهم عني ازول
وجدت قلبي ، على الموج محمول
وفكري معاها يجري ويجـــــــــــــول
يقلب عليها ، في العرض والطول

انسيت السنارة، وانسيت الحوت
الحب طغى عليا، اتمنيت الموت

آش نكول ليك اصاحبي آش نـــــــــــــــكول
جيت البحر ناوي الهــــــــم عنــــــــــي ازول
لكن غادي راجع ، وقلبي في ايدي محمول