الزوج يريد تغيير المدام ...

عصام الجندي كتب:

مساء الفل عليكوا جميعا

وبتقولولي غايب ليه؟ ده انتوا اللى يدخل عندكوا لازم يزحف على بطنه لتجيله رصاصة طايشه ولا حاجه ولا عربية راكبها متظاهر تفرمه ولا حاجه ,,,ايه الحرب دي الله يهديكوا,,على العموم انا عامل حسابي وداخل بكيس مليان طوب حلو كده,,بس موش هستخدمه دلوقتي هقول كلمة حق الاول اللى هيقتنع بيها خير وبركه واللى موش هيقتنع هزقله بالطوب,,,انا شايف ان الموضوع كله في ايد الراجل بصراحه ,,,في ايده يخلي مراته تقوي وتتجرا عليه وبالتالي هتكون كل مطالبها مشروعه سواء الغلط منها او الصح وعليه ساعتها انه يقدم فروض الولاء والطاعة لكن ده اخرته سودا لانه في جميع الحالات هيبقى غلطان ما الست ما بتصدق وسقف مطالبها هتبقى السما وشوف انت بقى لما يبقى سقف بيتكوا واصل للسما يعني في الخلا ويعني سواء لابس ولا موش لابس برضوا لا مؤاخذه عريان,,,,,ده نموزج اخرته معروفه ,,,لكن لما الراجل يبقى عارف احتياجات مراته وموش قصدي مطالب لكن قصدي احساس وشعور حتى لو مقصر في جهات تانيه لكن مالي مركزه ومعموله حساب هنا الست بتفكر مليون ره قبل ما تقدم على اي حاجه يشوفها هو انقلاب على حياته وحياتها
يعني ومن الاخر الراجل في ايده يخليها عيشه هاديه او يخليها عيشه سودا على دماغه ودماغ اللى حط بزرته

ويجعله عامر وهمشي بكيس الطوب بتاعي من قدامكوا دلوقتي وبرضوا هخرج زاحف ما نضمنش حد يكون قاعد مستني ولا حاجه لكن ممكن احدفكوا بالطوب من ورا السور