نكت مصرية

**المهذب** الإثنين أغسطس 01, 2011 7:56 pm

ست ركبت اتوبيس وهى شايلة ابنها الصغير، جت تدفع التذكرة الكمسارى اتخض أول مابص للولد وقال: اللهم احفظناانا عمرى ما شفت عيل وحش كدة، غطيه يا ست حرام عليكى!
الست زعلت قوى، وقعدت فى كرسيها تعيط بحرقة، الراجل اللى جنبها سألها: مالك يا مدام، بتعيطى ليه؟
الكمسارى ده ماعندوش دم، قل أدبه علي وانا خفت أرد عليه
تخافى تردى ليه؟ الاتو…بيس ما فيهوش رجالة؟ردى عليه ولو فتح بقه بكلمة نخرشمه
عندك حق، أنا حأروح أبهدل كرامته عداكى العيب، شايلينى النسناس بتاعك بقى علشان تعرفى تتخانقى براحتك
بيقولك اوباما اتصل بمبارك وقاله عايزك تبعتلي رجالة من عندك يساعدونى فى الانتخابات الامريكية و بعد يومين اتصل اوباما وقال لحسنى روح يا شيخ منك لله وقفل فى وشه السكة راح حسنى مبارك اتصل بالرجالة بتوعوا وقالهم ايه الاخبار قالولوا مبروك يا ريس انت كسبت الانتخابات الامريكية
مرة وحدة وحشة اوى دخلة الحمام فبتقول : اعوذ بيك من الخبث والخبائث راح الشيطان قالها من غير ما تقولى انا كدة كدة طالع
واحد مسيحى قابل الريس وقالة لية ماينفعش واحد مسيحى يحكم مصر فمبارك قالة ولا مسلم ياروح امك
واحد بيقول لمراتة انا كسبت مليون جنية جهزى شنطتك بسرعة قالتلو طيب اخد الهدوم الصيفى والشتوى ؟؟ قالها خدى اللى تاخدية المهم ارجع البيت ملاقكيش

[ندعوك للتسجيل في المنتدى أو التعريف بنفسك لمعاينة هذا الرابط]

**المهذب** الإثنين أغسطس 01, 2011 7:58 pm

مرة اثنين بلدياتنا في الجيش فالصول بيسأل الاول: ايه ده؟؛ قال له: البندجيه يافندم،
قال له: بندجية ايه ياهريدي دي وطنك دي امك،فراح للعسكري التاني قال له: ايه دي؟، قال له: دي ام هريدي يا فندم.
مرة واحد بلدياتنا وقع فى حفرة نزلولوا حبل طلع مخنوق .
مرة واحد بتاع سمك ابنه مات فماشى فى الجنازة يقول: كان صاحى وبيلعب .
مره واحد احول سجل في الجيش…… حطوه في قسم القصف العشوائي
مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين جلها الحصبه ماتت
مرة واحد راح السودان بالليل ملاقاش حد .
محشش كان في جنازة مراته … ويضحك سألوه ليه تضحك ؟؟؟ قال : اول مره في حياتي اعرف مراتي رايحة فين
صعيدى فى الجيش واقف تشريفة و فيه ضيف كبير جاى يزور الوحدة فالقائد بيديلهم التعليمات الأخيرة ، القائد : أول الضيف ما يدخل تضربوا 21 طلقة تحية للضيف . الصعيدى : و لو الضيف مات من أول طلقة نكمل برضه ؟؟
محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب
مسطول بيقول لصاحبه : أهم خمس حاجات في الدنيا …تلات حاجات …. الميه و الهوا
واحد مسطول الظابط قاله “اسمك ايه” قاله “انا ياباشا? قاله “لا انا يا اخويا” قاله “سعيد يا باشا” قاله “سنك كام” قاله “انا يا باشا” قاله “لا انا يا اخويا” قالة “انت 42 43″
واحد مسطول اشتغل سواق تاكسي، شاورتله واحده، وقف وسألها “رايحه فين؟” قالتله “المهندسين” قالها “روحي بس ما تتأخريش”
صومالى ركبه عفريت العفريت مات من الجوع

[ندعوك للتسجيل في المنتدى أو التعريف بنفسك لمعاينة هذا الرابط]

**عاشقة الدار** الإثنين أغسطس 01, 2011 8:19 pm

مساء الأبتسامه و الضحكه الحلوة استاذي العزيز

اسعدتنا بهذة الباقه من النكت

تسلم الايادي

نكت مصرية

نكت مصرية

رد: نكت مصرية

رد: نكت مصرية