قصيدة يا ام الهرم و النيل

**عاشقة الدار** الأحد مايو 13, 2012 5:51 pm

قصيدة بلادى ---=

==--------------==----------------==

ياام الهــــــرم والنيــــــــل
كفياكى بقـــــــى تمثيـل
فيه ايــــــه جـــــرى مالك
محمــــــلانا جميــــــل وممرمطــــة عيالك

انتــــــــى

انتى اللى كنتى فى يــوم زينة البـــــــلاد
إبنـــــــك يقـــوم م النــوم ولا يلاقيش الزاد
... مووتــــــــى فينا الأمـــــــــــــل
طفشتــــــى كـــــــل الـــولاد
ماعدتش فيكـــــى حنــــــــان
وانا بـــــــــــــرده إنســــــــــان
مــــــــن حقـــــى اعيـــــــش
حتــــــــى لو مابتسمعيـــش
بـــــــرده هتكلـــــــــم واقـــول
انا لحــــــم كتافــــــى خيــرك
بــــــس نــــــص اللحـــم فول
ماهـــــــــو مـــــــش معقــول

ابنك انتــــــى

يبقـــــــى مــــــش لاقـــــــى الرغيـــــــف
يبقـــــــــــى تايه وســــــــــــط أرضــــــــــك
ولا نايـــــــم ع الرصيـــــــــف
مــــــش دى أرضــــــك
مش دى أرضك دى اللــــــــى ياما زرعتها
مش حــــروبك دى اللـــــى يامـــا حاربتها
خلتينـــــــى بقيــــت بكلم روحـى واقولها
ماتزعليــــــش على حاجـــــة كنت بحبها
وغصـــــــب عنــــى بكيـــت
ولقيــــــت دموع من عينى نازلة لوحدها
معرفش ببكى ع اللــــى كان بينك وبينى
وللا ببكــــى عشان مفيش حد يواسينى

ولا علشــــــــان انتـــــى أمــــى

ومستحيــــــل الأم تقســــــى على ابنها
انا مـــــش بعايــــــــرك
انا بـــس عايز افكــــرك
بجــــــــزء واخـــــــــداه مـــن جمــــــــايلك
يوم ماكنتــى فى محنتِك
انا كنــــــت شــــــــــايلك
ويــــــوم كفاحــــــِك
كان سلاحــــــــك فـــــوق كتافــــــــــى
كنـــــــت بجـــــرى وسط الصحرا حافى
كنــــــــــت بــوهبلك حياتـــــى
عشــــــان مااشوفكيـــش يــوم تخافـــــى

ماهو كل ابن لأمه لازم يجى يوم يطلب رضاها
واى أم مهمــــــا كانــــــــت
مستحيـــــل تقتل ضناهــا
دلوقتى ايه يربطنى بيكى
إذا كنت أصلا مش لاقيكى
الوظيفــــة
إبنك على فيض الكـــــريم
الفلـــوس
لو تفتشينى ماتطلعيــــــــش مليـــــــم
الكرامــــــــة
ضاعت ياأمى بقت مهانة ولسة انا فى حضنك يتيم

أنا لا زعــــــلان
ولا طهقـــــــان
ولا عنــــــدى اى إحتجـــــاج
مـش عايــــــز منك عـــــــلام
ولا تصرفيلــــــــى عـــــــــلاج
انا كل طموحــــــــى فيكــى
أجيـــــب ليومـــــــى الـقوت
بفحت فى قلب الصخر عشان ماجوعـــــش وامــوت
ده انا مـــــــن قســــــاوتك
كتبتلك قصــــــة حياتــــــى مذكــــــــرات
مخـــــــدوع وياما هتفــــــت باسمـــــــك
واسألـــــــى العمــــــر اللـــى فــــــــــات

وماتجبيش سيـــــرة حضارة
ماتقـــوليــش الأهــــــرامات
كل دول ذكرى فـــى تاريخك
مش هعيش ع الذكـــــريات
حتـــــــى قلبـــــى اللــى إختلـــــط دمـــــــه بنيلك
نبضـــــــه مـــــات
انا اللـــــــى ياما هتفــــــــت
ويامــــــا قولـــــــت غنـــــاوى
شايل فــــــــى قلبى سؤال ومــن زمـــان نــــــاوى
أستحلفــــــك بميـــــت ياميـــــن
انا إبنــِـــك انتــــــى
ولا ابــــن ميـــــــــن
وقبــــل ماتجاوبينى
بينك وبينــــى ربنا شاهــــــــد وسامـــــــع
إن كنتــــــــى خلفتينــــــــى
ولا لقتينى جمب باب جامع

ردى
جاوبينــــى
ريحينـــــى
جـــــوايا نار بتشيـــــط
إحلفيلـــــى بإنى إبنك
مــــــش لقيـــــــــــــط
وان كنتى أمى بجـــــد
إثبتيلى بإن نفس تاريخ ميلادك يـــوم ميـــــــلادى
عرفينـــــــى الحـــــــق
وعلمينــــــــى ازاى عليــــــه أصــــــــرخ وانـــــــادى
إزرعــــــى حبـك فى قلبـــى
واروى أرضك مـــن فـــــــؤادى
خلـــى إيدى دايما فى إيـدك
ماتنسنيش أبدا نشيـــــــدك
ماتكرهيش ابنك فى حضنـك
ماتشمتيش فينا الأعــــــادى
خلينى لما اسمــــــع حروفك
وللا اشــــــوفك اقـــــــــــــول

بـلادى بـلادى
لكــــى حبــــى وفـــــــــؤادى
بـلادى بـلادى
لكى حبــــى وفــــــــــــؤادى

منقول