طاقتى السلبية
2 مشترك
صفحة 1 من اصل 1
طاقتى السلبية
ريحانة الدار الإثنين نوفمبر 02, 2015 9:30 am
طاقتى السلبية هى أية ؟
انه يكون فيه شخص.. دائم.. مفروض عليكي في حياتك.. و منكد عليكي عشتك..
يعني تلاقي نفسك و انتي واقفة تحت الدش او في اقصي لحظات استرخائك.. بدل ما تخطتي لمستقبلك و تفكري في حياتك..تتخانقي في حوار وهمي مع الشخص ده.. و تردي و تقوليله و تفهميه.. بينك و بين نفسك..
يعني وانتي نايمة و في احلي نومة تحلمي انه حصله و جراله و تاخدي حقك كله منه..
يعني وانتي بتصلي بدل ما تدعي ربنا بالجنة و الستر و حسن الخاتمة.. تلاقي نفسك بتدعي ربنا يعديها علي خير او ربنا يكفيكي شره..
يعني لو كلمتي صاحبتك في التليفون او خرجتي معاها ساعتين .. هتفضلي تشتكي من الشخص ده و تحكيلها علي كل المواقف السيئة اللي عملها فيكي..
يعني فكرك و حياتك كلها تتبلور حوالين الشخص ده..
تلاقي نفسك بتعملي حاجات انتي مش عايزاها.. و تكرهي حاجات و اماكن كنتي بتحبيها..
٢٤ ساعة بتفكري في الشخص ده و المواقف اللي بتحصل و شايله هم حاجات كتير اوي..
لما بنوصل للمرحلة دي.. بيبقي عشان الشخص ده للاسف قريب مننا اوي..
زوج.. حما.. اخت زوج.. طليق.. مرات اخ.. مرات اب..
طبب الوحل ايه..؟
اول حاجة ... ثقتك بنفسك..
عايزاها تكبر و تكسر الدنيا..
عايزاكي حلوة و مزة..
تخينة خسي..
رفيعة اتخني..
شعرك شوفي حل معاه..
ضعيفة في حاجة قويها..
عارفة اكتر حاجة بتعلي الثقة في النفس ايه؟
انك تتعلمي حاجة جديدة..
خدي كورس.. تنمية ذاتيه
اتعلمي انجليزي او فرنساوي..او صيني
تريكو او كروشيه..
اتعلمي اي حاجة هتزود ثقتك في نفسك جدا.. و تغير نظرت اللي حواليكي فيكي...
جوزك قافل عليكي و حابسك بين اربع حيطان؟ كل الكورسات دي ليها فيديوهات علي اليوتيوب.. دوري و اتعلمي..
الحاجة التانية... افصلي..
ايوه افصلي خالص بين حياتك الشخصية و الشخص ده..
متفكريش فيه.. ماتحكيش لحد عليه..
الوقت اللي الشخص ده معاكي فيه.. عديه و خلاص.. اعتبري نفسك بتحلمي..
واول ما يمشي.. اتحزمي وارقصي و غني ارسمي اكتبي اضحكي..
اعتبري نفسك صحيتي...
يا كدة يا اما تجمدي وتاخدي القرار انك ماتشوفيهوش تاني... ايا كانت العواقب..
هتبقي صعبة في الاول... و هتتحل بعد كده..
بس اهم حاجة .. ماتستنفزيش طاقتك ابدا..
اوعي كمية الطاقة السلبية اللي معيشة نفسك فيها تغير من شخصيتك.. و تملاكي حقد و كراهية.. و تموت الابداع و الخير اللي جواكي..
طاقتك.. حافظي عليها..
عشان محدش هينفعك لما يجيلك ضغط و سكر و مرارة و جلطة لاقدر الله..
ريحانة الدار- مديرة المنتدي
- رقم العضوية : 1
عدد المساهمات : 1622
نقاط : 2873
تاريخ التسجيل : 06/03/2011
رد: طاقتى السلبية
عاشقة الدار الإثنين نوفمبر 02, 2015 8:46 pm
حبيبتي
فيه حل كمان
نقرأ موضوعك 5 مرات متتاليه
هههههههههههههههه
أنا بصراحة طلعت كل الطاقة السلبية وأنا بقرأه
أتعصبت و أندهشت وزعقت وكشرت
وفي الأخر قلت ده كل الناس عندها نفس الحالة
فضحكت هههههههههههههه
بجد برافو عليكي
[ندعوك للتسجيل في المنتدى أو التعريف بنفسك لمعاينة هذه الصورة]
عاشقة الدار- مديرة المنتدي
- رقم العضوية : 1
عدد المساهمات : 2894
نقاط : 4635
تاريخ التسجيل : 06/03/2011
الموقع : مصر أم الدنيا -
رد: طاقتى السلبية
ريحانة الدار الثلاثاء نوفمبر 03, 2015 1:28 pm
[ندعوك للتسجيل في المنتدى أو التعريف بنفسك لمعاينة هذه الصورة]
ريحانة الدار- مديرة المنتدي
- رقم العضوية : 1
عدد المساهمات : 1622
نقاط : 2873
تاريخ التسجيل : 06/03/2011
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى