رد: ساعة العصاري علي عتبة دارنا

**عاشقة الدار** السبت ديسمبر 24, 2011 4:51 pm

طبيب الدار كتب:

جزاك الله كل خير طبيب دارنا

( طريقة مبتكرة لسماع القران )

ممكن تنزله في موضوع منفصل علشان يكون ظاهر

ويستفيد منه جميع الاعضاء و الزائرين

شكرا جزيلا و ربنا يكرمك يارب

**طبيب الدار** الأحد يناير 01, 2012 8:40 pm

بيحصل كتير إنك تكون ماشى فى الشارع و تلاقى عربيه إسعاف راكنه و مكتوب عليها بنك الدم وواقف جنبها دكتور وإتنين ممرضات و عمالين يكلموا الناس
إنت ممكن بالصدفه تعدى جنب العربيه على طول فمن سوء حظك الدكتور يصطادك وعادة بيكون رخم هههههههههه ويكلمك وعينيه فيها نظره هى عباره عن مزيج ما بين اللوم و الاحتقار و الطلب و ساعات الأمر
ممكن لو سمحت آخد من وقتك شويه ؟
معلش أنا مستعجل
ماهو أنا مش حاخد وقت كتير
طيب بسرعه لو سمحت
حضرتك عارف أهميه التبرع بالدم؟
عارفها طبعاً بس أنا دلوقت غير إنى مستعجل , فأنا كمان تعبان و مرهق و مش قادر أتبرع
لا ماتخافش ما أنا حقيس لك الضغط و اشوف إن كنت تعبان و لا لأ ده غير إن إحنا بنعمل تحاليل على الدم إللى بنجمعه وممكن حضرتك تتصل بينا و تتطمن على نفسك , و كمان لو حضرتك تعبان ففى ناس ممكن تموت لو مالاقوش دم و كده إنت ممكن تنقذ حياتهم
كده هو زنقك و إنت حيبقى عندك إختيار من تلاته :
1- تتنح معاه و تكون أرخم منه و تقول له يا عم مش عايز أتبرع ( و ده حقك )
2- تتكسف منه فتتبرع بدمك و إنت متضرر
3- تكدب عليه و تقول له أنا لسه متبرع من أسبوعين و ساعتها حيحط جزمه فى بقه و حيسيبك فى حالك ههههههههه
بس ده برده ميمنعش إن فى واحد مجرد ما حيشوف عربيه الاسعاف حيروح يتبرع من نفسه علشان هو عايز يعمل خير (ربنا يكرمه), و فى برده واحد حيتبرع علشان ياخد علبه العصيرههههههه اضحى اضحى يا استاذة انا شايفك
العامل المشترك ما بين الاحتمالات إللى فاتت دى كلها هى إنك فى موقف المتبرع أو الشخص إللى بيدى دمه لصالح الغير, السؤال بقى , عمرك كنت الشخص إللى محتاج نقل دم ؟؟؟
أولاً أنا أتمنى إنك متكونش مريت بالتجربه دى و إن شاء الله متمرش بيها
للأسف أنا مريت بالتجربه دى , عمى كان بيعمل عمليه و كان محتاج نقل دم , رحت على بنك الدم و بعد ما لطعونى حبه حلوين قولتلهم أنا عايز كيس دم بالفصيله كذا , قالولى مفيش دلوقت ممكن تبقى تعدى بعدين !!!!! بينى و بينكم أنا إتكسفت من نفسى و قلت ما هو الواحد لو يتبرع يبقى الناس مش حتتحط فى الموقف ده و خدت قرار إنى أتبرع مع أقرب فرصه.
المهم كلمت واحد قريبنا يعرف مسئول فى وزاره الصحه طبعا الكلام دة وانا فى سنة 5 كلية طب كنت طالب فى تلك الفترة , المهم إنهم بالواسطه جابولى كيس الدم إللى أنا محتاجه و طبعاً ده بعد ما كان عدى وقت كتير و كل ده وعمى بطنه مفتوحه فى أوضه العمليات
ما علينا , تمنه كام كيس الدم ده يا دكتور؟ مش هو برده بتمن علبه العصير و زياده عليها شويه مصاريف ؟
الكيس بـ 113 جنيه حضرتك
يا نهار إسود ! بقى هو ده عمل الخير؟ هو ده تبرع من أجل إنقاذ روح إنسان ؟ هو ليه الدكتور إللى فى الشارع بيحسسنى بالذنب إنى مش بتبرع بدمى ما دام هو بياخده منى ببلاش و بيبيعه بالمبلغ ده ؟
سامع واحد من بتوع الثورة بيقوللى ما إنت لو معاك تأمين صحى حتاخد الدم بسعر رمزى , و طبعاً أحب أقول إنى شفت موظفين بنك الدم كانوا بيعاملوا الغلابه بتوع التأمين الصحى إزاى , و لك أن تتخيل إنهم كانوا بيقولو لهم إبقوا تعالوا بكره علشان تاخدوا الدم إللى إنتوا عايزينه ! ومش مهم بقى العيان إللى مرمى ما بين الحياه و الموت.
خلاصة الكلام , لو عايز تتبرع إتبرع و ثوابك عند ربنا و بس , و لو قدر الله إنك تحتاج كيس دم سواء ليك أو لأى شخص عزيز عليك و رحت بنك الدم , أتمنى لك من كل قلبى إن يطلع عندهم دم !!!
تحياتى ... مجرد فضفضة مش اكتر

**طبيب الدار** الثلاثاء يناير 03, 2012 5:36 pm

**طبيب الدار** الثلاثاء يناير 03, 2012 6:27 pm

منذ 25 يناير وحتى الأسبوع الماضى ، لم أكن قد تجولت فى شوارع القاهرة إلا مرات معدودة جداً .. وأول مرة أسير فيها فى شارع «9» فى المقطم وهو الشارع الرئيسى ، رأيت الونس والهيصة ، والتوك توك قد أنشأ «موقف كبير وطويل» بجوار قسم الشرطة الخاوى .. والباعة المتجولون من أول باعة الطماطم لغاية الجزم متكدسون أمام قسم الشرطة ذات نفسه .. قولنا.. معلش ! عادى !
بكرة لما القسم ده ينور والشرطة تنزل وتلعلع كده النظام سوف يعود ، وقام شباب المقطم وقالوا «نضف شارعك»، وحيك وبلدك حلو جداً.. ونضفوا فعلاً وعملوا اللى عليهم وهو يوم واحد مافيش غيره والزبالة عادت .. ربنا ما يوريكم فى حالة من الحرية التامة .. وبطول الشارع الرئيسى .. شكوت إلى أصدقاء قالوا : يوووه..!!
دى العربيات الكارو والتى يجرها الحمار اسم الله على مقامك تجوب ميادين الباشمهندسين والتوك توك يلف ويدور فى ميادين الدقى وأحياء الزمالك.. وإشطة مافيش مشاكل أما المطار بقى فحدثى ولا حرج ، الركن فى أى حتة أربعة صفوف ، وجدع اللى يقدر يغادر المطار قبل ساعتين .. من كام يوم نزلت وعديت فوق كوبرى قصر النيل .. لقيت الأسد اليمين مش باين منه غير راسه وتغطيه بضائع الأرصفة من فوق لتحت .. فوق الكوبرى عربات حمص الشام والفيشار والست المستخبية ..!!
مش مشكلة .. المشكلة إن العربات راكنة على الكوبرى صفين واللى عاوز يعدى هما مترين عرض مافيش غيرهم.. وفى جميع شوارع مصر العربات راكنة ثلاثة صفوف وأمام أقسام الشرطة بالذات وأمام عيون الضباط.. وألطف حاجة كانت عربة «البطاطا» التى كانت تسير فى شارع مجلس الوزراء.. المجلس على الشمال ومجلس الشعب على اليمين .. ونظر الرجل بائع البطاطا لضابط الأمن الذى يقف داخل السور هو وزملاؤه وبالعند فيه قال له : بطاطا سخنة ياباشا ؟

ابتلع الضابط ريقه بصعوبة وهو يقول فى صوت خافت : «شكراً».. وفى موقع آخر والعربات تسد الشارع تماماً والضابط يقف أمام القسم وسألوه : شايف ؟
قال: آه شايف.. قالوا: زمان كان فيه مخالفات .. كلابشات .. أوناش .. شخطة .. تبريقة .. أى حاجة يا عسل !! قال الضابط : «عندنا أوامر بعدم الاحتكاك».
تساءلت : يا ترى عدم الاحتكاك ده حدوده إيه ؟ معناه إيه ؟ الواقع يقول إن له معنى واحداً هو عدم الشغل .. البلطجة والجريمة والسرقة والذبح والخطف بلغت مداها .. حالات القتل فى شهر واحد وصلت إلى 122 حالة .. وحوالى ألفى حالة سطو وحرق وسرقة بالإكراه وخطف واغتصاب وهتك عرض .. إيه يا اخوانا !!؟!
هو يا إما ضابط آخر غطرسة ومعاملة للناس زى الزفت وضرب وإهانة وتعليق وشتايم وافتراء فى الأقسام . يا إما ضباط بالبدل المكوية والرتب البراقة يقفون ليتحدثوا فى الموبايل أو يفرشوا «عشيوة» فوق عربة «الكمين ليلاً»، وودن من طين والأخرى من عجين؟؟
الآن أصابت الفوضى مصر بأكملها ، وفضيحة «الاستاد» جعلتنا أمام العالم مثل «عزيز قوم ذل» وسياحة إيه اللى وقفوا لها وقفة فى التحرير دى؟
وهو السواح هايمشوا إزاى فى الشوارع سواء على رجليهم أو جوه الأتوبيسات ؟ والأتوبيس السياحى من أى أوتيل لغاية الهرم ياخد كام يوم؟..
بائعو خان الخليلى جالسون فى حالة محزنة ينعون الحظ والأيام وسمعت من يقول: «حرامية حرامية .. يرجعوا يحكمونا مادام كانوا بيحمونا» !! يا سيادة وزير الداخلية.. البدل الضباطى والرتب آخر حلاوة ونحن فى انتظار الشرطة !!

**عاشقة الدار** الثلاثاء يناير 10, 2012 5:59 pm

مساء الفل طبيب الدار

فضفضتك الاخيرة في ساعه العصاري دسمة جدا

ايه رايك لو موجود اعزمك علي كوب شاي او قهوة

و حاجه حلوة او حادقه ذي بعضه

هههههههههههههههه

علشان نقدر نواصل

nadia70 الثلاثاء يناير 10, 2012 7:23 pm

السلام عليكم

كيف عاملين ان شاء الله تكونوا لابأس

عجباني بالزاف ساعة العصاري و ان شاء الله يكون تجمع خير و محبة

في انتظار تشريفكم الحبيبات

واليكم احلي ضيافة مغربية

[ندعوك للتسجيل في المنتدى أو التعريف بنفسك لمعاينة هذه الصورة]

براكاكم
لا تزيدو فالوزن
[ندعوك للتسجيل في المنتدى أو التعريف بنفسك لمعاينة هذه الصورة]

**عاشقة الدار** السبت يناير 14, 2012 7:51 pm

[ندعوك للتسجيل في المنتدى أو التعريف بنفسك لمعاينة هذه الصورة]

الله تسلم الايادي نادية

انا بموت في الاكل المغربي و خصوصا المعجنات و الرغايف

و الشاي الاخضر طبعا

تسلم ايدك حبيبتي علي كرم ضيافتك

و نورتي ساعة العصاري علي عتبة دارنا

[ندعوك للتسجيل في المنتدى أو التعريف بنفسك لمعاينة هذه الصورة]

حنين العبير الخميس فبراير 16, 2012 12:06 pm

nadia70 كتب:

السلام عليكم

كيف عاملين ان شاء الله تكونوا لابأس

عجباني بالزاف ساعة العصاري و ان شاء الله يكون تجمع خير و محبة

في انتظار تشريفكم الحبيبات

واليكم احلي ضيافة مغربية

[ندعوك للتسجيل في المنتدى أو التعريف بنفسك لمعاينة هذه الصورة]

براكاكم
لا تزيدو فالوزن
[ندعوك للتسجيل في المنتدى أو التعريف بنفسك لمعاينة هذه الصورة]

انا عارفة انه لسة بدرى على ساعة العصارى بس مش قادرة اقاوم الفطير

وحشتونى بجد وما احلاه فطيركم مع كوباية الشاى

nadia70 الأحد فبراير 19, 2012 3:49 pm

السلام عليكم يا قمرات

تبارك الله عليكم و علي المنتدى الله يجازيكم كل خير

والله يجعلها دار الخير والصداقة الدائمة

انا جبت ليكم الحلو باش هاد الدار دائما تكون مسكرة وحلوة وما نسمعوش فيها شي حاجة مسوسة هههههه

**عاشقة الدار** الخميس فبراير 23, 2012 9:01 pm

احلي فنجان شاي لطبيب الدار

علي حساااااااااااااااابي

[ندعوك للتسجيل في المنتدى أو التعريف بنفسك لمعاينة هذه الصورة]

**طبيب الدار** الأربعاء أبريل 18, 2012 4:49 pm

تعالى هنا
بص لنفسك فى المرايا

كلم نفسك .. عادى يعنى

إبعت رساله لنفسك .. من ضميرك .. او لضميرك

للشرير جواك او الطيب

للرومانسى او البارد

للضعيف .. او الجرئ

للحزين .. او للمرح

المهم تبعت رساله لنفسك

مين قال انا ..... انا ههههههههههههههه

**طبيب الدار** الأربعاء أبريل 18, 2012 4:51 pm

رساله لنفسى ..

راح فين الغرام ايه خلى .. قلبك عنى يوم يتخلى .. لسه هوانا عايش ولا ..!!

**طبيب الدار** الأربعاء أبريل 18, 2012 4:54 pm

رساله الى نقسي ..

احذري .. الطريق خطر بسبب تدني مستوى الرؤية

**طبيب الدار** الأربعاء أبريل 18, 2012 5:08 pm

[ندعوك للتسجيل في المنتدى أو التعريف بنفسك لمعاينة هذا الرابط]

**عاشقة الدار** الخميس أبريل 19, 2012 9:38 am

طبيب الدار كتب:
رساله الى نقسي ..

احذري .. الطريق خطر بسبب تدني مستوى الرؤية

ريـــــــــاح الخماســـــــــــــــــــــين يا دكتور

يومين و يعـــــــــــــــــــــــدوا

قــــــــــــول يـــــــــــــــــارب

**عاشقة الدار** الخميس أبريل 19, 2012 9:43 am

طبيب الدار كتب:

المهم تبعت رساله لنفسك

مين قال انا ..... انا ههههههههههههههه

ألتزمـــــــــــــــــــــي الصمـــــــــــــــــــــــــــــــــت يا نفــــــــــــــــــــــــــــــسي

فيابخت من بـات مظلـــــــــــــــــــوم و لا باتش ظـــــــــــــــالــــــــــم

**عاشقة الدار** الأحد أبريل 22, 2012 6:45 pm

[ندعوك للتسجيل في المنتدى أو التعريف بنفسك لمعاينة هذه الصورة]

أحلي عصير برتقال فرش

للصديق العزيز أ مجدي

ويشرفنا زيارته و جلوسه معنا علي عتبة باب دارنا

ويارب العصير يعجبك عاملاه بأيدي

ههههههههههههههههههههههه

magdi gadalla الأحد أبريل 22, 2012 8:13 pm

يسلموووووووووووووووووو

على العصير الفريش يا أستاذة

وكمان ديكور وحركات وشاليمو -- كدا كتير --

بعدين نتعود على كدا وفي الأخر بخرج من هنا بجناية ولا جنحة ولا حتى إشتباه

أنا هاخد العصير وأجري وأسيب العتبة لصحابها

[b]

**ريحانة الدار** الثلاثاء أبريل 24, 2012 2:12 pm

على فكرة دى مرحبة بيك على الأخر يا أستاذ مجدى

احنا مشروبنا المفضل القهوة

ههههههههههههههههه

**طبيب الدار** الأربعاء أبريل 25, 2012 4:27 pm

لنعيش في ساعة عصريه ساعة الدار دارك للأميرة : عاشقة
هنا سوف نعيش ساعة عصرية تقليديه نعيش تحت ظل الوهم بأهميتنا بين الناس من خلال التقليد الأعمى حتى وإن كانت الضريبه هو الخروج من كوننا نحن أو ( أنا ) التي نفقدها .
لقد ذاع التقليد بيننا حتى أصبح هو الهواء الذي نتنفسه من خلال أوكسجين التكرار فنصل الى الشبع التنفسي ويتحول الى إلتهاب مزمن لا يمكن علاجه !! ... هذا التقليد الذي شاع بيننا حتى أصبح الأبن يقلد والده في التدخين والبنت تجد نفسها تقتبس أخر الموضات التي تغلب عليها التهريج من كونها موضه !! ..
وحتى في مجال الأدب , نجد نسخه مكررة من فلسفه أحلام مستغانمي في الحب , و نظريات العقاد , وروايات نجيب محفوظ !! وحتى تصل الى أعلى مناصب الحلم أكتب عن الحب ليكون بين الروايات أو القصص .. واذا أردت أن تصل الى أوج الشهرة حاول أن تشتم وتسب وتلعن حتى واذا وصلت ان تلعن نفسك لا يهم فهي سوف تكون في مصلحة الشهرة !!
عن طريق التقليد : تستطيع وبكل بساطه ان تضع اهم قواعد الفلسفه في نظرياتك وسوف تكون مقترنه معك طوال حياتك ومماتك بأسمك , وحتى وان كنت داخل جهنم !. فقط استعن بكلمات تدخل في مجال النظريات قلب الوقائع كأن تجمع مابين الدين والدنيا أو أدوات الذات الالهيه . استعن ببعض الكلمات التي تدخل في مجال ذكائك او دهائك كمثال : ( مالحياة الا مطحنه ونحن القمح ! ) وسوف تجد الهتافات والتصفيق الذي ستجده خلف كلماتك الجميله المبهره !
كيف لا , وأن الكلمات العظيمه لا تخرج الا من كبار الشخصيات ووجهاء المجتمع !

ولا تهتم اذا احد اتهمك بالحماقه , فهي الاسم الحركي للساعات المعاصره الفلسفيه !!
تستطيع بالتقليد ان تصبح كل شيء وبأي وقت , إضحك ضحكه خبيثه تصبح سياسيا محنكا ! وضحكه مغنجه تصبحين فتاة اثارة , وابتسامه هادئه تصبح شخص عقلانيا .
ولكن متى سوف تصبح ساعه معاصره لنفسك أنت وليس غيرك الا انت ؟
ارجوا التفاعل من الجميع لأهمية الموضوع

**عاشقة الدار** الإثنين أبريل 30, 2012 7:29 pm

مساء الفل طبيب الدار ,,,, دارك

ولكن متى سوف تصبح ساعه معاصره لنفسك أنت وليس غيرك الا انت ؟

أهو سؤال أم أمنية نتمني ان تتحقق؟؟
أن كان سؤال فالأجابة صعبة لعدم وجودها,, وان كانت أمنية فهي أصعب ,,
ليس لأننا فقط في عصر التقليد الأعمي لكل شيء ( و أن كنت أعتبرها سرقة ) لأن التقليد قد يجعلنا مع الوقت نفكر معه و نطوره و قد نرفضه , وهذا ما لم يحدث بغير العنوان و الغلاف و يظل المحتوي كما هو نقف عنده ولا تطوير او تقدم و نفخر و نتباهي بشعارات الغير !!

لماذا الامنية صعب تحقيقها الان ,,
لأنه بجانب التقليد يوجد الاخطر و هو التلقين الذي يستخدمه البعض استغلالا لعقول مغيبة مشوشه يعبونها بما يريدون و يسيرونها علي حسب اهوائهم واغراضهم تحت مؤثرات كثيرة وبالتالي هل نستطيع الصمود امام كل هذا ؟؟

هل من علاج طبيب الدار لهذة الحاله الحرجه ؟؟؟؟؟

magdi gadalla الثلاثاء مايو 01, 2012 9:50 pm

حبيبه كتب:

على فكرة دى مرحبة بيك على الأخر يا أستاذ مجدى

احنا مشروبنا المفضل القهوة

ههههههههههههههههه

يسعد مساكي ربي سيدتي ......

أنا متنازل عن العصير وحدائق برتقال المكسيك

بس بشرط تتنازلي لي عن إخوتها

إيه رأيك في العرض المغري دا .............

ما دمتي بتحبي العصير أوي كدا ... ولا أقولك -- خدي العصير الأولاني

جميل وممتع هههههههههههههههههههه بس ما تدعي علي الله يرحم والديكي

تحياتي --- أنا بمزح ترى

**طبيب الدار** الجمعة أغسطس 03, 2012 4:23 pm

وقالت
سوف تنساني

وتنسى أنني يوما

وهبتك نبض وجداني

وتعشق موجة أخرى

وتهجر دفء شطآني

**عاشقة الدار** الأحد أغسطس 05, 2012 9:28 pm

يا هــــــــــلا بطبيب دارنا

اشـــــــتقنا لك كثــــــــــــــير كثـــــــــــــــــــير

الف حمدلله علي سلامتك

مـــــــــــــــــــــــــــــــــــــــــــنووووووووووووور

[ندعوك للتسجيل في المنتدى أو التعريف بنفسك لمعاينة هذه الصورة]

**طبيب الدار** الأحد أغسطس 05, 2012 9:48 pm

[ندعوك للتسجيل في المنتدى أو التعريف بنفسك لمعاينة هذا الرابط]
Uploaded with [ندعوك للتسجيل في المنتدى أو التعريف بنفسك لمعاينة هذا الرابط]